भूतनाथको भैरव
************
हो हामी भूतनाथको भैरव
कृपया कुकुर नभनेर भैरव भन्दा फरक पर्दैन
हामीहररूलाई कुकुर भनेको पटक्कै मन् पर्दैन
यो शब्दको अपप्रयोग भएको देख्छौं
खादैनौं कुनैपनि मादक द्रव्य
प्रभूभक्त,विश्वासी, सन्तोकि
भोको भए मात्र रिसाउँछौ किनकि
सरकारवाट रसदपानी भेट्दैनौ हामी
गृहआवास योजना छैन हाम्रो
स्वास्थ्यबीमा छैन
प्रसूति पीडा देख्दैनन् कोही
हक माँग्न सक्दैनौँ ,सबै छै छै गर्छन
खुइले भए पनि
न डिप्रेसन न कोरोना
न खोकी न रुगा
मस्त आनन्द निद्रामा छौँ
खरानीमा लुटुपुटु हाम्रो औशधी
भूतनाथमा।
हामी भूतनाथको भैरव।
हे मलाम आउनेहरू
सायद लामो आयु होला हजुरहरुको
एकछिन हेर्नुहोस हाम्रो विश्राम
केही सोच्नुहोस प्राणीको निम्ति
नहान्नुहोस झटारो ,नगर्नुहोस लाठो-मुङ्ग्रो
नभन्नुहोस कसैलाई "कुकुरको जात"
"कुकुरको जस्तो बेहोरा", "साला कुक्कुर"
"कुकुरको पुच्छर बार वर्ष ढुङ्ग्रोमा राखे पनि सोजिन्न"
हाम्रो पुच्छर बाङ्गो भएर के भो?
हजुरहरू ताक परे सर्वाङ्ग बाङ्गो क्षणभरमा
दिनकाल सारै राम्रो छैन है तथाकथित जीवश्रेष्ठ!
हामी त भूतनाथको भैरव!
हजुरहरू त भाग्य बिधाता!
को महान?
भैरव कि मानव ?
हामी भूतनाथको भैरव।
पुरूषोत्तम उपाध्याय दाहाल
भूतनाथ ,गुवाहाटी
१३/४/२०२२
