कहाँ हुनुहुन्छ?
***********
पुरानो सुतीको साडी
एउटा सानो सुई लिएर
बाबुको चस्मा लगाएर
नानीहरूको थाङ्ना सिउने
आमा कहाँ हुनुहुन्छ?
जाडोमा नानीहरुलाई खुवाउन
तुलसीपत्ता हालेर पकाएको मह
पाखनबेत,बेसार र तातो सोल्लर पकायेर
खान दिने मायालु मातृ
कहाँ हुनुहुन्छ?
जाडोको रात्रिमा बाहिर निस्किन पर्दैन
भित्रै हुन्थ्यो चुठुवा
त्यहीं सु सु गराउने
अनि सिलाएको त्यो न्यानो
थाङ्ग्नोमा सुताउने माताश्री
कहाँ हुनुहुन्छ?
अहिलेको आधुनिक साधनहरू
पटक्कै याद आउँदैन
पुच्छरमा डाइपर बाँधिएर नानीहरू
आका आयो भन्नै पो जान्दैनन्
पुरानो लुगालेनै छोराछोरी हुर्काउने ममतामयी
कहाँ हुनुहुन्छ?
पुरूषोत्तम उपाध्याय दाहाल
धौला, बोकापथार
आसाम
