के नाम दिनु त्यो अनौठो प्रेमलाई
***************************
केटो र केटी को अगाध प्रेम
केटो अस्ट्रेलियामा केटी लण्डनमा
केटो जागिरे केटी विद्यार्थि।
केटो छुट्टीमा आए पछि केटीलाई
चार लाख पैसा पठाउने आग्रह गर्यो लण्डनमा
गरि दिएँ मैले काम, उ मेरो प्यारो बन्यो
कहिले काँही आउँदा खाने कोसेली लिएर आउँने
सुनायो प्रेम कथा,लग्यो उस्को घरमा
चिनायो परिवार लाई, "इनानु मेनेजर साहब "भन्यो।
केटो पुनर काममा गयो अष्ट्रेलिया
मलाई फोन गरि रहने,अब आउने उ अमृतसर
केटी पनि आउने र विवाह सम्पन्न हुने।
आए दुवै , म सँग भेट पनि गरायो
विवाहको दिन पनि तय भयो
राम्री केटी ,घर दुवैको लगभग पाँच कोस दूरीमा
रकम छ खातामा र पनि नपुग्ला कि भनेर
उसले केही ऋणको आग्रह गर्यो, हुन्छ भने मैले।
दैवको मार केटो मोटर साइकिल वाट लड्यो
घाइते भयो, टाउकोमा खाल्डो पर्यो
होस हरायो केहि दिन,फिलाको मासु लगाए पनि
खाल्डो भरिएन टाउको को,देख्दै नचिन्ने
लगभग दुई मैना पछि उ ठीक भयो
म हेर्न गएँ, रोयो उ धुरु धुरू , शन्तना दिएँ मैले।
उसको कुरा सुनेर म जिरिङ्ग भएँ
भन्यो केटी पक्षले विवाह रद्द गरे
केटी कुरै गर्दिन , केहि योगसुत्र छैन्
उस्ले पुनर भन्यो "मेनेजर साहब उस्ले बिहे नगरोस
तर मैले उनिको पढाईमा गरेको आठ लाख मा
आधा त फिर्ता गरून्,मलाई गएर भनिदिने आग्रह गर्यो ।
मैले प्रभू पुकारेँ, एकछिन अत्तालिएँ ,हुन्छ भने
भोलिपल्ट मेरो एउटा शाखाकै मित्र अत्रि लाई लिएँ
सुरो म सानै देखि,नडराउने सत्य कर्ममा।
गएँ केटी को घर।
केटीपक्ष संस्कारी रहेनछन, केटीलाई भेट्ने आग्रह गरौ
आइनन उनी,बाबु- आमा ,काका -काकी ले त
केटोले पैसा खर्च गरेको हामीलाई थाहानै छैन भने
मैले तथानाम फलाँके किनकि म साक्षी थिएँ,
हामी फर्केर आयौँ,राति निद्रा लागेन,प्रभू मिथ्या ठानेँ ।
निको भएपछि केटो म सँग आएर रुने गर्थ्यो ।
फेरि अष्ट्रेलिया गएर काम गर्ने विचार
एकदिन बिदा लिएर" सर म भोलि जाँदैछु अष्ट्रेलिया
आशीर्वाद दिनु" भन्दै आयो,आयुष्मान भव भने ।
के आचम्ब दुई दिन पछि केटो टुप्लुक्क अफिसमा!
म छक्क परेँ,उसले भन्यो, "सर टाउको खाल्डो भएको
हुनाले एयरपोर्टमा पासपोर्टको फोटो मिलान भएन"
तँ यो मान्छे हुँदै होईनस पो भन्यो रे ।
भाग्य, प्रेम ,लक्ष्मी र मानवता ले लछेरिएको
मान्छे को दुःख यो के देख्नु पर्यो परदेश मा हाई!
के नाम दिनु त्यो झुठो प्रेम लाई ?
मन मनै ठाँने
ब्रह्म सत्य है, जगत मिथ्या "
पुरुषोत्तम दाहाल
बेलतला
गुवाहाटी
13/6/21
( घटेको को देखेको सत्य घटना को साक्ष विवरण)
