वर-वधू विज्ञापन
************
राम्रो,लामो लगभग बाइस वर्षको
गोहुँगोरो ,पुष्ट विश्वासी
गोठको गोठालो
दाम्लो बाट्ने,डुङ्गा चलाउन
पौडिन जान्ने
गोठको सबै काम जान्ने
बाबु आमा नभएको टुहुरो
स्पष्टवादी,कर्मठ ,निरोगी
आफ्नै पनि दसमाउ गाई भएको
ढकाल थरी,मावली ढुंगाना
बुढा मावली निरोला (आमाको)
बुढा मावली तिम्सिना (बाबुको)
भीम छपडी गोठमा बस्ने
नेत्रे(नेत्र प्रसाद ढकाल)को निम्ति
राम्री,निरोगी
गोठको काम जान्ने
डोको ,थुन्से बोक्न सक्ने
जङ्गल दाउरा लिन जान नडराउने
खोला,नदी र डुङ्गामा रमाउने
साग सब्जी साथै
गुन्द्रुक ,सिन्की खाडलमा हाल्न जान्ने
दुध, दही र मक्खन सन्मन्धी काम जान्ने
झरि वादललाई उछिन्ने
लगभग केटाकै उमेरको
टिकोटालो मन्दिरमा गर्न मान्ने
वधू चाहिएको छ।
वि: द्र:गोठाला टुहुरो हुनाले टिपन छैन।
नाउँ वाट ज़ुर मिले हुन्छ।
******
सम्पर्क टुंगो: रत्नबीर गोदार महाजन
भीम छपडी
धौला सैखुवा
तिनसुकिया, असम
२०/२/२२
पुरूषोत्तम उपाध्याय दाहाल
गुवाहाटी।
