बर्खा लाग्यो खोला बड्यो असारैको दिनमा
दुलाल साइँली मेला गईन याद छिनछिनमा
चाम्रे भातको खाजा अनि गुनरुकको अचार
मैले मनमा बसाई सँके के छ तिम्रो विचार
मन मिले सबै हुन्छ हिजो आज दिनमा
दुलाल साइँली मेला गईन याद छिनछिनमा ।
रातो रिबन नीलो जामा किनि दिने मन छ
भन्नु पर्यो साइँली नानी यसले केहि दिन्छ
ढिकी चल्छ चिउरा निम्ति मुङ्गिरको दिनमा
दुलाल साइँली मेला गईन याद छिनछिनमा।
निकै दिन भो छैन खबर कता हौली अहिले
यस्तरी त गार्हो हुन्छ के गर्नु र लौ मईले
यस्तो चुरा लगाऊ साइँली खन्क्योस रात दिनमा
दुलाल साइँली मेला मेला गईन याद छिनछिनमा।
लाली पाउदर किनि दिउँला बजारैमा जाउँला
तिमी आउनु सुटुक्क लौ ललिपप नै खाउँला
ढुङ्ग्रो बज्यो मोई पार्दा वैशाखको दिनमा
दुलाल साइँली मेला गईन याद छिनछिनमा।
अस्ति खबर पठाई रथेँ पायौ होला तिमीले
दुःख सुख बाँडि लिउँला" ल" भनन् अहिले
गुन्द्री बुन्छौ आगनैंमा माघ को त्यो दिनमा
दुलाल साइँली मेला मेला गईन याद छिनछिनमा।
चोखो मन यो खोजी हिँड्छ माया को त्यो भाखा
दिन रात खोजी हिँड्छ मेरा ई दुई आँखा
पाखुरा छन् दरो मेरो पार्ने छुइँन ऋणमा
दुलाल साइँली मेला गईन याद छिनछिनमा।
पुरुषोत्तम उपाध्याय दाहाल
बेलतोला
गुवाहाटी खन्क्योस
26/6/21
वि:द्र: यो के लहरी हो मलाई थाहा भएन। म गोठमा हुँदा
कान्छा गोदार बा ले यो लय को प्रेम लहरी आफैँ कथेर
गाउनु हुन्थ्यो।यो" प्रेम लहरी" "मदन लहरी" हो केटाहो भन्नु हुन्थ्यो,पुस्तक पनि थियो सानो तर हामीलाई हेर्न दिनु हुन्थेन। लय सुन्दर हुन्थ्यो।केहि त्यस्तै लय याद आयो र पस्किन प्रयास गरेँ।विज्ञजन हरुवाट यसबारे केही जानकारी को आग्रह राँखे।वहाँको लहरी मा हामीले केही शब्दहरू लक्षण रेखा नाँघेको पनि अनुभव गर्थ्यौं।कतिपय सुनेका शब्दहरू पनि प्रयोग गरिएको छ।भूल भए क्षमा प्रार्थी।
