गोठका सम्पूर्ण माजन र गोठालाहरू साथै पाठकवृन्दमा माघे संक्रान्तिको उरुकाको शुभकामाना ज्ञापन गर्दै एउटा सानो गोठाले कविता।
हात हेरौँ कान्छी नानी भाग्य रेखा हेर्छु
ललाट तिम्रो हेर्दा खेरी भित्री श्वास फेर्छु
आँखा तिम्रो कस्तुरीको नयनमनी जस्तो
गाजलुको ईन्द्रधनुष रङ्ग कस्तो कस्तो।
हात हेरौँ कान्छी नानी भाग्य रेखा हेर्छु
ललाट तिम्रो हेर्दा खेरी भित्री श्वास फेर्छु।
फराकिलो मनकी धनी डोको बोक सानो
भारी बोक्दा अचानक लौ जान सक्छ गानो
मन्द मन्द मुस्कानले कदम चाल्छौ तिमी
चिना टिपन हेर्न लाउ साथ बसौँ हामी
हात हेरौँ कान्छी नानी भाग्य रेखा हेर्छु
ललाट तिम्रो हेर्दा खेरी भित्री श्वास फेर्छु।
पाखुरी छन् दह्रो मेरो हलो जोत्न सक्छु
रोपार तिमी अन्न बाली उब्जाउन सक्छु
कन्यार्थको निम्ति अब कोही आउन सक्छन्
हुन्छ भन्नु, आग्रह गरेँ,शत्रु लाग्न सक्छन्।।
हात हेरौँ कान्छी नानी भाग्य रेखा हेर्छु
ललाट तिम्रो हेर्दा खेरी भित्री श्वास फेर्छु।
*****
गोठालो अन्तरे
मिरि छपडी,धौला, तिनसुकिया, असम,भारत
गोठाला र माजन परिवार:
!
