मे डे
****
हाम्री आमाले जीवनभर
श्रमिक जस्तै भएर
हामीलाई हुर्किईन
सेवा गरिन्
अहरह अतिथी आप्यायण गरिन्
मूल्य दिएनन त्यो समयमा
कतिहो कति भनाइ खाइन् !
दिदीले आफैं नपढी
भाइबैनी हेर्न
जीवन उत्सर्ग गरिन्
बुझेन राष्ट्रले र जनताले
मूल्य विहिन भइन् हाम्री दिदी!
साइँलो दाजु अरूको गोठमा बसे
घर चल्यो त्यही कमाईले
पढ्न पाएन उसले
बिहे भएन उसको
बुढो भयो ऊ
राखेनन् गोठमा!
कुन श्रमिकको कुरा गरेको हजुर!
यो बिथोलिएको घरको
या
मजदुरहरूको!!!
आज छुट्टी छ रे सबै कार्यालय
सम्झिन्छु
आमा
दिदी
र
साइँलो दाइ
बस त्यति।
****
पुरूषोत्तम उपाध्याय दाहाल
गुवाहाटी
1/5/2023
