हाम्रो गोठमा हरायो कविता
*********************
कान्छा!
तैंले एउटा कविता लेख्नु न
अन्तरे दाजु!भनेर आग्रह गरिस!!!
हिजोआज कविता नै आउँदैन कान्छा!
रुखो भएको छ मन
लुथ्रुक्क भिजेको छ तन
आँखा रसाई रहन्छन्
कसैको आँखा प्रेमील देख्दिनँ
कविता छैन कान्छा हिजोआज।
बरु खत्री बाको गोठमा गएर
"केही सिलोक भन्नुन बा"भन
सुनेर आइज केही सिलोक
केही तृष्णा मेटिएला तेरो
म सँग हिजोआज
कविता छैन कान्छा!!!
आउँदैन कविता,मेरो भाइ !
रुखो भएको छ मन
उराठ भएको छ वसन्त!
बिरानो भएको छ गोठ!!!!!
****
पुरूषोत्तम उपाध्याय दाहाल
गुवाहाटी आसाम
१६/५/२०२३
फोटो सौजन्य:गोठालो कान्छा।
