कस्तुरी गाई
*********
कान्छा!लैनो गाई कस्तुरी
राति गोठमा नआउँदा
आमा नसुतेको र रोएको याद छ?
अहिले तिनकोरी वर्ष पछि
बल्ल थाहा लाग्यो
आमा किन रोएकी भनेर
चरन सकिएको थियो
उनी चर्न टाढा गएकी रहेछिन
त्यसैले ढिलो भएको रहेछ।
अहिले न त गोठ छ
न आमा नै हुनुहुन्छ
गाई घरको सबैभन्दा प्यारो
सानामा खाएको त्यो दुधले होला
हड्डी दर्हो छ हाम्रो कान्छा!
कसले बुझ्ने त्यो अनन्त वेदना!
हिँड गोठ जाऊ
कान्छा!
*****
पुरुषोत्तम उपाध्याय दाहाल
गुवाहाटी, आसाम
