फरक छ हामी र उनीमा
*******************
कान्छा!!!
फरक छ हामी र उनीमा!
उनी मञ्चमा,हामी भुइँमा
हाम्रो कथा अनन्त छ
पाखुराको कथा छ
पसिनाको कथा छ
फरक छ हामी र उनीमा।
उनी चन्द्रमाको शीतल छायाँमा
हामी तातो घामको गर्मीमा
हामी सृष्टि गर्छौ
उनी विनाश गर्छन
फरक छ हामी र उनीमा।
उनी पैसा हेर्छन
हामी हृदय हेर्छौ
उनी गाजल हेर्छन
हामी निधार हेर्छौं
उनी लिनेमा छन्
हामी दिनेमा छौं
हामी राखिएको हौँ
उनी हुकुमे हुन्
फरक छ हामी र उनीमा
निकै अमिल छ हामी र उनीमा!!!
**अन्तरे गोठालो
४/६/२०२३
