बिचरो चरी
*******
एउटा चरी
सिमलको रुखमा मात्र बस्छ
उसको परम्परा नै त्यो
पुर्खौ देखि।
मासियो सिमलको रुख!
ऊ उडेको उडै छ रे
एउटा सिमलको रुखवाट उडे पछि
अर्को सिमलको तरु भेट्न
उडेको घन्टौँ भयो रे रुखको खोजीमा
न भुइँमा बस्छ
न अरू कुनै रुखमा
लखतरान भएको
समाचार आएको छ कान्छा!
काव्यकारहररूको कुनै सभामा गएर
मर्न चाहन्छ रे ऊ
सन्देश फैलाई दिनु पर्ने रे
उसको बिडम्बनाको
काव्यकार हरूले!
काव्यकारहरू
काव्य सम्मेलन नै गर्न छोडे
हिजोआज फेरि!भन्दैछ रे ऊ !
इच्छा प्रकट गरेन उसले
कुनै नेताहरूको सभामा झर्न!!!
वाह!
काव्यकारहरूमा विश्वास राख्ने
चरी! कठैबरा!
दानव मान्छे!!
*******
पुरुषोत्तम उपाध्याय दाहाल
हिलागुडी छपडी
धौला सदिया
आसाम
२७/५/३०२३
