रहर (२)
तिमीले भनेकी थियौ
केही लेखेकी छु भनेर
औंसीको अँधेरी रातमा
सुनाउने रहर
याद आयो आज।
हिज्जे,शब्द,व्याकरण
केही जान्दिनँ भनेको याद आयो
प्रेमले व्याकरण मान्दैन प्रिये!
तिमीले जानेको शब्दहरुको
माला बनाएर राख
म आउने छु औंसीको अँधेरी रातमा
तिम्रो तगारो छेउमा
एक अर्कालाई नदेखे पनि
सुन्ने छु, तिम्रो पहिलो
प्रेमील कविता।
गुञ्चिययोस प्रेमील कविताको झंकार
औंसीको अँधेरी रातमा
रमाउन जुनकिरीहरु
कस्तो मिलेको तिम्रो र मेरो
रहर!
पुरूषोत्तम उपाध्याय दाहाल
घृष्णेस्वर ज्योतिर्लिङ्ग औरङ्गावाद
महाराष्ट्र १९/५/२२
