तिमी
****
सधैँ उदाएको घाम नै तिमी
फुलेको पुष्प तिमी
मगमगाउने वास्ना तिमी
चार दिशा नै तिमी
स्वर्ग र मर्त्य नै तिमी
मृदु पवन पनि तिमी
हावाको झोंका पनि तिमी
कविता तिमी
वाचिका पनि तिमी
सर्जक पनि तिमी
पुस्तक पनि तिमी
प्रकाशक पनि तिमी
सम्पादक पनि तिमी
पाठक पनि तिमी
अक्षर,पंक्ति र हरफहरू पनि तिमी।
रुख पनि तिमी
छायाँ पनि तिमी
फल पनि तिमी
सर्वस्व तिमी।
म त एउटा वरमालामा फुर्किएको
र
गोत्र उच्चारण गरिएर
गुरुवरको संकल्पमा रमाएको
कुनै ऋषिको गोत्र भएको
फगत
मान्छे!
पुरूषोत्तम उपाध्याय दाहाल
गुवाहाटी
१८/६/२२
