विचरा अाधुनिकता!
**************
हजुरबाको समयको बन्चरो
आज निस्ताएको छ
न उद्यायेको कैयौं वर्ष भयो
न रुख न दाउरा
खिया लागेको छ उसलाई
ऊ हेरि रहन्छ गेसको सिलिन्डर तिर
सिलिन्डर त आयो ठीक छ
रुखहरू मासिए बेठीक छ!
अब लुहा लक्कड़ किन्नेलाई
बेच्न चाहन्छ त्यो बन्चरो नातिले
उसलाई किन्न सापट लिएर किनेको कुरा
जान्दैन नातिले
बोल्दैन बन्चरो
बुझ्दैन नाति!
पल्लो गाउँमा आधुनिक आराले
ठुलो रुख ढालेको खबर आयो
बन्चरो बिँडलाई भन्छ
साथी!अब कोदालो ,खन्ति पनि
जान्छन् होला लुहा लक्कड़ेको हातमा।
उता सिरानेको पुरानो खुकुरी पनि
झसङ्ग झसङ्ग हुन्छ हिजोआज
जाँतो ढुङ्गा हुनाले बिक्दैन रे
बाहिरियो ऊ उहिलेई
सारै रमाइलो लाग्छ आधुनिकता
नाति हरूलाई।
अक्सिजेनको ढुङ्ग्रो डँडाललोमा बोकेर
हिँडेको हुन्छन् होला आगामी पुस्ताहरू
भव्य देखिन्छ होला आधुनिकता।
पुरुषोत्तम उपाध्याय दाहाल
गुवाहाटी
२०/१/२२
