सम्बन्ध विच्छेद
************
अदालतमा सम्बन्ध विच्छेद गरेर
मानसिंह र जुरेली लागे आ आफ्नो गन्तव्य तिर
लामो युद्ध थियो उनीहरुको
तर बुझेन जोर ढुकुरले
सधैँ चर्छन् उनीहरू मानसिंहको आगनमा
वर्षेनी जोर बच्चा हुर्काउने गर्छन ।
उता जुरेलीको घरमा
दुई कुकुरका छाउरा र छाउरी
वर्षेनी बच्चा जन्माउछन् सुन्दर सुन्दर।
छिमेकीहरू रोजेर लान्छन्
केही छाउरा र छाउरीहरू।
जुरेली र मानसिंहले एक्ला एक्लै नै
बस्ने निर्णय गरे,जीवश्रेष्ठको नाताले।
यता प्राणीको नाताले
ढुकुर र कुकुर , संगसँगै बस्छन
आनन्दका साथ आबोल प्राणीको नाताले!
-----------
पुरुषोत्तम उपाध्याय दाहाल
गुवाहाटी।
21/11/21
