आज पनि आकाश धुम्म छ।
*********************
छोरा बुहारी विदेशतिर लागे पछि
बृद्ध आमा एक्लै भईन् घरमा
मुटुको व्यथा र हृदयको पीडा
आमा कुरा गर्न चाहन्छिन्
उता फुर्सद छैन छोरा बुहारीको।
सहायिका एउटी राखि दिएका छन्
पुष्ट यौवन भएकी उनी
उनी मोबाइलमा व्यस्त
आमै खोकिले ग्रस्त
यता एउटा जवानी
उता एउटा वृद्धा
यौवनले बुझ्दैन , बुझोस नै कसरी
हेरी रहेको छ माथिबाट त्यो आकाश
ऊ धुम्मिन्न तत्पर छ आज
भोली घाम देखिँदैन होला सायद
आमैलाई खुब आगो ताप्ने रहर छ
यो जाड़ोमा दिनमा
दाउरा पाईदैनन हिजो आज
कपडाको तातोले तातिदैन मन्
घरको बुढो कुकुरले आज भात नै खाएन
आमैको ओछ्यान छेउमा बसेको छ
हेरी रहेको छ ऊ आमै तिर
आमै छै भन्दिनन् ।
शङ्ख बज्यो अचानक
सुने गाउँले हरुले
पुगेन शङ्खघ्वनी विदेशमा
फोन गयो उसलाई
हाई!दुःख लुकाईन
भने गाउँले हरूले,
घामलाई छेकेर
आज पनि आकाश धुम्म छ
तर छाेरा बुहारी बस्ने देशको आकाश
स्पष्ट उज्यालो छ।
_____
पुरूषोत्तम उपाध्याय दाहाल
गुवाहाटी
