भुईँचालो
*******
निकै हलिदैछ धरती हिजोआज
अट्टालिकाहरू थर्किन थाले
वस्तुवादी संसारमा रम्येकाहरू
डराउन थाले,राति आउँदैन निन्द्रा।
ढकाल कान्छा खोजी रहेको छ
बाँस, खरले झोपडी बनाउने मान्छे
दुईचार माउ गाई ,बाख्रा पालेर
स्यानो झोपडीमा बस्न चाहन्छ ऊ
निर्धक्क भएर
आनन्दका साथ
मानिसहरू गाउँमुखी हुनबेर छैन अब
भुईँचालोको डरले
तर बाँस र खर मासिए गाउँमा
न यता न उताको
हुन्छनहोला मानिस
"सुनारेको सय छोट
लोहारेको एक चोट"
भन्दैछिन् धरती।
पुरूषोत्तम उपाध्याय दाहाल
गुवाहाटी, आसाम
२२/१/२२
