कस्को फोटो खिचें होला मैले
*********************
म सँग मात्रै केमराको एउटा रील थियो
भनौं मैले कस्को फोटो खिँचे होला त्यसबेला।
नेपथ्य प्रेमिका थिइन मेरी
प्यारो हजुरबा पनि हुनुहुन्थ्यो
मेरी प्यारी आमा
मायाँ गर्ने बाबु साथै
मेरा साथी मखे,तीखे,विदुरे,डल्ली र मञ्जरी सँग
एउटा ग्रुप फोटो
कस्को फोटो खिचे होला मैले?
म सँग मात्रै केमरामा एउटा रील थियो
दिदी मेरी जुम्रा हेरि दिने सानोमा
नुहाइ दिने,लुगा लगाई दिने
बैनी मेरी प्यारी सँगै खेल्ने बाल्यापनमा
मलाई गुलेली र मटेंग्रा बनाई दिने
गोठाला दाजु बस्नेत माईला
कस्को फोटो खिचे होला?
म सँग मात्रै केमराको एउटा रील थियो?
मेरो सारै प्रिय साथी बिर्खे
मेरो प्रेमपत्र लाने र उनीको ल्याउने
मेरो मुटुको धड्कनको योगसूत्र
बुबा बजार जाँदा मलाई चडाई लाने
गाउँको प्रथम साइकिल पनि थियो घरमा
गाउँको पहिलो रेडियो पनि थियो
कस्को फोटो खिचे होला?
म सँग मात्रै केमराको एउटा रील थियो
गोठभरी गाईबाछा
हामी सबैलाई दुध खुवाएर
पुष्ट पारेको
दस बेते बुढी कान्छी गाई
अब पूर्ण थारो भइन् ऊ , म खेल्थे उनीसँग
हाल हलो जोत्न नसक्ने तर समयमा
तमाम हलो जोत्ने बुढो कथुरे गोरु
मैले हातले रोटी दिँदा दगुरेर आउने
दुई हल बहर गोरु
बाख्राको पाठा पाङ्ग्रे रङ्गका
कस्को फोटो खिचे होला?
म सँग मात्रै केमराको एउटा रील थियो।
भुलेछु मैले सानोमा हामीलाई
अन्नको परीबन्ध पारी दिने
ढिकी र जाँतोको कुरा
जाँतो पिस्दा म आमाको छेउमा हुन्थेँ
अनि हाम्रो प्यारो प्रहरी लिडे र पाङ्ग्रे कुकुर
म दोधारमा परेको थिएँ
एउटा रील थियो मसँग केमेरमा
कस्को फोटो खिचे होला?
को खिचिक्का पस्यो होला
मेरो केमेरामा !
म सँग मात्रै एउटा रील थियो।
पुरूषोत्तम उपाध्याय दाहाल
गुवाहाटी , आसाम
२४/१/२२
