हजुर सन्चै हुनुहुन्छ?
(शब्द ब्रह्म)
*************
बनारसको मणिकर्णिका घाटमा
दिनरात अखण्ड जलिरहने लासहरू
देखेर आएपछि
हरिभक्त बाबैले गोठै बेचेर
गरीबको सेवामा जीवन अर्पण गरे
हो,जीवन क्षणिक हो
सबैलाई थाहा छ
तर
सबैले भुल्ने गर्छन
अजम्बरी ठान्छन् आफैंलाई
शब्द ब्रह्म हो
राम्रो शब्दको प्रयोगले
मानिसको जीवन शैलीनै परिवर्तन हुन सक्छ
योगात्मक सोच ल्याउन सक्छ
निरोगी बनाउन सक्छ
न खर्च नै गर्नु पर्छ, न भारी नै बोक्नु पर्छ
भेट गरेर होस
या
दूरभाषमा होस
बस् भनिदिए भयो
सोधीदिए भयो
प्रभुले शब्दज्ञान र बोली दिएको--
फगत प्राणी मानिस मात्रै त छ सृष्टिमा
हजुर सन्चै हुनुहुन्छ ? भनिदिनु भयो।
धन्यवाद।
हजुर!अब पूर्ण सन्चो हुन्छु भनिठान्छ ऊ
किनकि
शब्द ब्रह्म हो।
********
पुरूषोत्तम उपाध्याय दाहाल
गुवाहाटी, असम
२५/७/२०२३
