ऊ स्विजरलैण्ड तिर म गोठतिर।
************************
सुन्दैछु मेरो बाल्यसखा
दशैंको बिदामा स्विजरलैण्डतिर लाग्यो रे
म पनि गोठतिर पो लागें
ऊ हवाई जहाजमा
म डुङ्गामा
ऊ आकाशमा
म धरतीमा
ऊ सुइमिङ पुलमा पौडिदै
म ब्रह्मपुत्रमा पौडिदै
ऊ कृतिममा
म वास्तवमा
म गाई वस्तुमा रमाउँदै
ऊ प्रेयसीसँग सायद
उसको डँडाल्नोमा मुलायम लेपटप
मेरो डँडाल्नोमा घाँसको भारी
सुन्दैछु उसले गुप्तधन पनि निकै राखेको छ रे उता
मेरो दृश्यधन इनै गाईवस्तु यता
भकारोमा बिहानको सूर्यको किरणले बाछा रमाउँछन्
ऊ केको किरणमा रमाउँछ जान्दिनँ !
सारै राम्रो दिश्य हुन्छ गोठमा पनि
जून -जूनेलीमा ।
यता हर्के, बिरे,डल्ली ,मञ्जरी भेटिन्छन्
उताको कुरा म जान्दिन
तर
मृत्यु पछि हामी दुवैको अस्तु
नदीमानै विसर्जन होला सायद!
अन्तमा जेहोस
को धनी को गरीब
हामी मिल्ने त सागरमानै रहेछ!
ऊ स्विजरलैण्डतिर म गोठतिर!!
अन्तरे दाहाल
गुवाहाटी, आसाम
०९/१०/२२
